Stiften og opphenget er dei største slitedelane i ein pickup. Og desse held i beste fall ein 1500 - 2000 timar, vil eg tru. Men det skjer meir i pickupen av alderdomstillegg, og det vert difor eit stadig aukande sjansespel å retippe, som det heiter. Iallfall ikkje meir enn ein gong. Og retipping fører anten til halleluja eller depresjonar...alltid ei endring.
Iallfall to produsentar har tatt konsekvensen av slitasjen, og tilbyr innbytte. Ortofon (importør
www.mono.no) gjev deg ein heilt ny pickup, med stor rabatt for din gamle - også når du går oppover i modellhierarkiet deira. Dei fleste bør difor ende opp med ein Rohmann eller endå råare, etter kvart som dei ser seg råd til denslags....
Dynavector tilbyr komplett ombygging av alle slitedeler i pickupen, og då får du i praksis ein heilt ny pickup. Også her er prisen fordelaktig, men du får nok litt ventetid i tillegg (
www.plsn.no)
VandenHul skiftar stift og det nødvendige til god pris samanlikna med nykjøp.
Når det gjeld MM-pickupar, held dei seg betre, og kan stort sett tåle iallfall 3 -4 nåleskift som du gjer sjølv (personleg erfaring).