TEST: Primare R35 - riaaforsterkar
Då eg henta kassa med R 35 på posten, noterte eg meg at denne svenske riaaen hadde same vekt som min norske 400 Watts sterke effektforsterkar. Såpass tung hifi skulle love godt. Det er ein tendens til at vekt og kvalitet fylgjest åt innan hifi. Har det lukkast svenskane å lage ein skikkeleg riaa?
R 35 har eit stilreint, men svært enkelt design som ikkje burde skremme nokon. Men han er stor og tung, over 9 kg og like tung som effektforsterkaren min. Dette trass i at han har relativt lite innmat, og det meste op-ampar, noko som var fy-fy for ganske få år sidan, men som no ser ut til å fungere utmerka. Opnar du lokket, ser du ein topografi som nesten er for ille å skjule, for her er det ryddig plassering av komponentar. Berre ei kraftig straumforsyning kan seiast å markere seg. Elles er det eit enkelt design, men alt det nødvendige er på plass. Eit subsonisk filter som tek vekk skumle hallingkast frå basselementa, om du skulle vere så syndig å skape uheldige armresonansar med upassande pickupar. Du kan trygt ha dette på konstant om du er usikker. Iallfall klarar ikkje eg høyre når det er innkopla, sjølv om høgtalarane mine skal gå nedimot 20 Hz i bassen.
Les heile testen av Primare R35 i Audiophile.no
