Her er mange variablar, og det er litt vanskeleg å vite akkurat kva som ligg i "noe skraping". Eg har "skrapefrie" plater av både ny og gammal type, så vel som det motsette. Det finnest nokre faktorar som kan sjekkast:
- Feiljustering. Dersom pickupen står feil (spesielt om han er ein slik med god nålesliping), oppfører han seg ikkje slik han skal. Finn justeringsmal og sjekk ut.
- Stifttrykket ditt. Dersom du har skrapefrie plater, er nok ikkje dette problemet, men i motsett fall kan for lågt stifttrykk vere årsaken. Om skrapinga minkar drastisk ved hjelp av å auke med 5 - 10 % stifttrykkk, kan det vere lurt å legge seg på dette. Bruk ei vekt.
- Pickuptype. Nokre superslipingar samlar merkbart mindre støy (døme VdH og Shibata). Har du råd, kan du oppgradere med ein slik, men hugs at det då gjerne trengs betre, passande arm. Så må du kanskje ha ein betre riaa, og så kjem tanken på drivverket....ting har ein tendens til å balle på seg...
- Reine plater. Ei platereinsemaskin løyser gjerne problem ganske godt. Du kan også bruke LAST sitt vedundermiddel for nye plater. Det fjernar ein del skraping, og kan gjere overflatene mykje betre.
Men kvaliteten på både nye og gamle vinylplater kan variere. Nokre leverandørar garanterer overflatene sine (ut frå sjekk mot ein meirkostnad) Kan kanskje vere ein ide å prøve dette.