Når det gjeld kjeldebruk, er det vanleg praksis (her også) å halde seg til dei ein er mest einig med.....
Når det gjeld krigen i Eksjugoslavia, var den skikkeleg ille, og eg har høyrt flyktningar fortelje litt om kva dei har sett og høyrt. Dette er det lett å tru på, for krig opplevast i høgste grad personleg. Når det gjeld etterpåklokskap, behovet ein har for å rettferdiggjere sine val, og det å skrive historia om krigen, er dette ein krig i seg sjølv - i beste fall eit rettsoppgjer.
For mange år sidan jobba eg i Andalusia, og fekk nokre spanske vener der. Eg spurte om Franco og borgarkrigen. Min venn høyrde til ein familie som hadde vore på Franco si side, og gav meg (etter grundig førebuing) ein times førelesing om krigen, motiva, hendingane, og kva som hadde vore nødvendig. Eg fann ingen grunn til å tvile på noko av det min venn fortalde. Dette var den historien som gjekk for fakta i familen. No enda borgarkrigen med diktatur, og det kom aldri noko rettsoppgjer, men landet greier å fungere som eit moderne, høgt sivilisert, europeisk samfunn utan problem. Dei har tydelegvis lagt dette bak seg, kanskje fordi Juan Carlos har tatt dei vala han har gjort (Ein meir respektert monark trur eg ikkje vi har i verda for tida). Eg reknar med at det vil komme historiebøker med oppsiktsvekkjande opplysningar etter kvart som tida går, og avstanden til krigen vert like stor som det amerikanarane har til sin borgarkrig. Og den norske borgarkrigen er så langt unna at dei færraste veit kva eg snakkar om.
Problemet med krig er at det er eit verkemiddel som vert tatt i bruk, når ei folkegruppe opplever at dei ikkje har politisk påverknadskraft. Det er fråveret av andre maktmidlar som løyser valden. Og det er difor viktig å granske historisk årsakssamanhengane, og sjå om det har overføringsverdi til dagen i dag på nokon måte. Ulike vinklingar i ei konflikt er difor avgjerande, og såleis kan det vere greitt å sjå dette Brennpunkt-innslaget. Problemet er at NRK har tradisjon på å vere formidlaren av "den offisielle, etablerte, statsautoriserte sanninga", og framstiller det også slik denne gongen. Men å slengje ut av seg flosklar rundt konspirasjonsteoriar er vel neppe måten å kritisere på?
